ដើម្បីចូលរួមរក្សាពិធីបុណ្យប្រពៃណីខ្មែរបុណ្យភ្ជុំបិណ្ឌ ​ចែករំលែក ភាពកក់ក្តៅ​ និងផ្តល់ការរីករាយដល់បងប្អូនជនជាតិខ្មែរយើង​កាលពីថ្ងៃទី២៩​ និង​៣០​ខែកញ្ញា ឆ្នាំ២០១៨​ រយៈពេល ពីរថ្ងៃ ​ធនាគារព្រីនស៍បានធ្វើការចែកកូននំអន្សមជ្រូកបែបខ្មែរ​តូចច្រលឹង គួរអោយស្រលាញ់​ ចំនួនជាច្រើនក្នុងទីតាំង រោង ភាពយន្ត Major Cineplex by Smart​ នៅឯផ្សារទំនើប​ អុីអនទាំង២ សាខា​ អុីអនម៉លទី១​ និង​អុីអនម៉ល​ សែនសុខស៊ីធី​ ។  

មិនត្រឹមតែបានទទួលនំអន្សមតូចៗ ដ៏គួរអោយស្រលាញ់ហើយ មានរសជាតិឆ្ងាញ់ជាប់មាត់តាមបែបខ្មែរទេ​ អតិថិជនដែលទៅ ធ្វើការទិញទំនិញ ​ រឺគ្រាន់តែចូលធ្វើការលំហែក្នុងផ្សារ​ទាំងអស់​ដែលដើរកាត់ស្តង់​ធនាគារព្រីនស៍​ ក៏បានចូលធ្វើការ ថតរូប ជាមួយបុគ្គលិក​និងអ្នកតំនាង​ធនាគារព្រីនស៍​ ដ៏មានភាព រស់រាយ​រាក់ទាក់ ប្រកបដោយស្នាមញញឹម​ និងមានរូបសម្រស់ស្រស់សោភា​ ក្នុងឈុតអាវប៉ាក់ពណ៌ស​ សំពត់ហូលផាមួង បែបព្រពៃណីខ្មែរយើងពិតៗ​ផងដែរ​។ ការចែករំលែកក្តីស្រលាញ់របស់​ ធនាគារព្រីនស៍ ​ បានញុាំងអោយបរិយាកាសនៃពិធីកាន់បិណ្ឌ​ និងភ្ជុំបិណ្ឌក្នុងឆ្នាំនេះរឹតតែ​មានភាពសប្បាយរីករាយថែមមួយកំរិតទៀត​៕