នៅក្នុងយុទ្ធនាការបង្ហាញពីផលិតផលដ៏មានសក្តានុពលនេះ ព្រីនន៍ ហ្វាយនែន ភីអិលស៊ី បានរៀបចំជាក្បួនដង្ហែរម៉ូតូរ៉ឺម៉កកង់បីតាមផ្លូវសាធារណៈ ព្រមទាំងការដាក់ស្តង់ផ្តល់ព័ត៌មានតាមផ្សារប្រជុំជន ដើម្បីផ្តល់ការប្រឹក្សាទូទៅអំពីការប្រើប្រាស់សេវាឥណទានរបស់គ្រឹះស្ថានជូនដល់ប្រជាពលរដ្ឋ។ ជាងនេះទៅទៀត នៅស្តង់ផ្តល់ព័ត៌មានរបស់ ព្រីនស៍ ហ្វាយនែន ភីអិលស៊ី ក៏មានកម្មវិធីកម្សាន្តសប្បាយៗ សម្រាប់សាធារណជនដើម្បីឈ្នះរង្វាន់យ៉ាងច្រើនសន្ធឹកសន្ធាប់ផងដែរ។

ជាក់ស្ដែង លោកស្រី មួយ គី ជាអាជីវករនៅផ្សារណាត់ លោកស្រីបានលើកឡើងថា លោកស្រីមានភាពសប្បាយរីករាយយ៉ាងខ្លាំង នៅពេលដែលមានវត្តមានគ្រឹះស្ថានមីក្រូហិរញ្ញវត្ថុធំៗ ដែលចាប់ផ្តើមមកបើកអាជីវកម្មនៅក្នុងតំបន់ដែលលោកស្រីកំពុងរស់នៅព្រោះថាក្នុងនាមជាអាជីវករ លោកស្រីតែងតែចង់ធ្វើការពង្រីកអាជីវកម្ម ហើយបន្ទាប់ពីទទួលព័ត៌មានពីក្រុមការងាររបស់ព្រីនស៍ ហ្វាយនែន ភីអិលស៊ី ចុះផ្សព្វផ្សាយនេះ លោកស្រីមានចំណាប់អារម្មណ៍យ៉ាងខ្លាំង។

ជាពិសេសជួយសហគ្រាសទាំងខ្នាតតូច និងធំ ឱ្យទទួលលបានជោគជ័យតាមរយៈឥណទានពង្រីកអាជីវកម្មជាមួយនឹងលក្ខខណ្ឌពិសេសៗដូចជា ការសងមានជម្រើសច្រើន និងរយៈពេលវែង ហើយអាចសងជួសពីស្ថាប័នដទៃ, អត្រាការប្រាក់សមរម្យ និង រហ័សទាន់ចិត្ត។  

សម្រាប់ទិសដៅបន្តបន្ទាប់នាឆ្នាំ២០១៨ នេះ ព្រីនស៍ ហ្វាយនែន ភីអិលស៊ី នឹងធ្វើការពង្រីកសាខារបស់ខ្លួនទៅកាន់ខេត្ត-ក្រុង ដែលមានសក្តានុពលជាច្រើនទៀត ដើម្បីបំពេញតម្រូវការអតិថិជនស្របតាមទស្សនៈវិស័យរបស់គ្រឹះស្ថានដើម្បីក្លាយខ្លួនជាស្ថានប័ន ហិរញ្ញវត្ថុ ដែលជាជម្រើសទីមួយរបស់អតិថិជនជានិច្ច៕